కరోనా సెకండ్ వేవ్ కాస్త శాంతించడంతో త్వరలోనే సినిమా థియేటర్లు తెరుచుకోనున్నాయి. ఈ నేపథ్యంలో పలు సినిమాలు విడుదల కోసం రంగం సిద్ధం చేసుకుంటున్నాయి. ఈ వరుసలో ‘లవ్‌స్టోరీ’ సినిమా ముందు ఉంటుందని వార్తలు వస్తున్నాయి. నాగచైతన్య, సాయిపల్లవి జంటగా నటించిన ఈ సినిమాకు శేఖర్ కమ్ముల దర్శకత్వం వహించాడు. ఏప్రిల్ నెలలోనే విడుదల కావాల్సిన ఈ సినిమా కరోనా కారణంగా వాయిదా పడింది.
ఇప్పటికే ‘లవ్ స్టోరీ’ సినిమాలోని ‘సారంగధరియా’ పాట ఎంతో ప్రేక్షకాదరణ పొందింది. యూట్యూబ్‌లో ఈ పాటకు ఎన్నో మిలియన్ వ్యూస్ వచ్చాయి. అమిగోస్ క్రియేషన్స్‌పై తెరకెక్కిన ఈ సినిమాను కె నారాయణదాస్ నారంగ్, పి.రామ్మోహన్ రావు సంయుక్తంగా నిర్మించారు. ప‌వ‌న్ సంగీతాన్ని అందించారు.
ఇది కూడా చదవండి: బాలీవుడ్ దిగ్గజ నటుడు దిలీప్ కుమార్ కన్నుమూత