కిర‌ణ్ అబ్బ‌వ‌రం తాజా చిత్రం నేను మీకు బాగా కావాల్సిన వాడిని-సాంగ్ రిలీజ్

ఇప్పుడిప్పుడే ప‌లు ప్రాజెక్టుల‌తో బిజీగా మారుతున్నాడు యంగ్ హీరో కిర‌ణ్ అబ్బ‌వ‌రం. ఆయ‌న తాజా చిత్రం నేను మీకు బాగా కావాల్సిన‌వాడిని’ ఒక‌టి. శ్రీధ‌ర్ గాదె ద‌ర్శ‌క‌త్వం వ‌హిస్తున్న ఈ చిత్రం శ‌ర‌వేగంగా షూటింగ్ జ‌రుపుకుంటుంది. ఈ చిత్రాన్ని కోడి రామ‌కృష్ణ స‌మ‌ర్ప‌ణ‌లో కోడి దివ్య‌, దీప్తి నిర్మిస్తున్నారు మొద‌టి నుండి ఈ సినిమాపై అంతగా అంచ‌నాలు లేవు. కానీ ఇటీవ‌లే విడుద‌లైన టీజ‌ర్ సినిమాపై ఒక్క‌సారిగా అంచ‌నాలు పెంచింది. ఈ క్ర‌మంలో మేక‌ర్స్ వ‌రుస అప్‌డేట్‌ల‌ను ప్ర‌క‌టిస్తూ సినిమాపై క్యూరియాసిటీని పెంచుతున్నారు. తాజాగా మేక‌ర్స్ మ‌రో అప్‌డేట్‌ని ప్ర‌క‌టించారు. ఈ చిత్రంలోని ‘న‌చ్చావ్ అబ్బాయ్’ అంటూ సాగే పెప్పి సాంగ్‌ను మేక‌ర్స్ విడుద‌ల చేశారు. భాస్క‌ర‌భ‌ట్ల ర‌చించిన ఈ గీతాన్ని ధ‌నుంజ‌య‌, లిప్సిక ఆల‌పించారు. మ‌ణిశ‌ర్మ స్వ‌ర ప‌రిచిన ఈ పాట ప్రేక్ష‌కుల‌ను విప‌రీతంగా ఆక‌ట్టుకుంటుంది. కిర‌ణ్ అబ్బ‌వ‌రం మాస్సీ స్టెప్స్ ఆక‌ట్టుకుంటున్నాయి.ఈ చిత్రంలో కిర‌ణ్‌కు జోడీగా సంజ‌నా ఆనంద్ హీరోయిన్‌గా న‌టిస్తుంది. మ‌ణిశ‌ర్మ సంగీతం అందిస్తున్నారు. . ఫ్యామిలీ ఎంట‌ర్టైన‌ర్‌గా తెర‌కెక్కిన ఈ చిత్రం సెప్టెంబ‌ర్ 9న విడుద‌ల కానుంది.