ప్ర‌పంచంలోనే అంత్యంత విలాసవంతమైన విల్లాను కొనుగోలు చేశాడు ముఖేష్ అంబానీ.. సముద్రంలో ఉండే పామ్ జుమేరా దీవుల్లో సుమారు 80 మిలియన్ డాలర్లు( రూ.630 కోట్లు) వెచ్చించి మరీ ఈ ఇంటిని కొన్నార‌ట. పామ్ జుమేరా ఉత్తర భాగంలోని బీచ్ సైడ్ లో ఉన్న ఈ విల్లాలో ఏకంగా 10 బెడ్ రూంలు ..ఒక స్పా.. ఇండోర్ ఔట్ డోర్ ఫూల్స్ ఉన్నట్లు దుబాయ్ లోకల్ మీడియాలో వార్తలు వచ్చాయి. పామ్ జుమేరా.. దుబాయ్ సమీపంలోని సముద్రంలో నిర్మించిన కృత్రిమ దీవులు .. ఈత చెట్లను పోలిన ఈ కృత్రిమ దీవుల్లో అత్యంత విలాసవంతమైన భవనాలను దుబాయ్ ప్రభుత్వం నిర్మించింది. సకల సౌకర్యాలు కల్పించింది. ఈ విల్లాలో ఒక దాన్ని ముకేష్ కొన్నారు.
ఈ ఏడాది ఆరంభంలో ముఖేష్ అంబానీ చిన్న కొడుకు అనంత్ అంబానీ కోసం కొనుగోలు చేసినట్లు బ్లూంబర్గ్ తెలిపింది. ప్రపంచ కుబేరులు.. సెలబ్రెటీలు దుబాయ్ ను తమ ఫేవరేట్ డెస్టినేషన్ గా ఎంచుకుంటున్నారు. అక్కడి ప్రభుత్వం ‘గోల్డెన్ వీసా’ వంటి ఆఫర్లను పెడుతుండడంతో రియల్ ఎస్టేట్ ఊపందుకుంటోంది. ముకేష్ అంబానీ కొన్న విల్లాకు సమీపంలోనే బ్రిటీష్ ఫుట్ బాలర్ డేవిడ్ బెక్ హామ్.. బాలీవుడ్ బాద్ షా షారుఖ్ ఖాన్ కు ఇళ్లు ఉండడం గమనార్హం. రిలయన్స్ ను దేశంలోనే నంబర్ 1 సంస్థగా ముఖేష్ తీర్చిదిద్దారు. అయితే ఆయన రిటైర్ మెంట్ తీసుకోవాలని చూస్తున్నారు. ఈ క్రమంలోనే వ్యాపారాలను విభజించి ఇద్దరు కుమారులు. కూతురుకు సమంగా పంచారు. వారే ఇప్పుడు అన్నీ చూసుకుంటున్నారు. రిలయన్స్ జియోకు ఆకాష్ ను చైర్మన్ చేశారు. ఈకామర్స్రిటైల్ లను ఈషా అంబానీకి ఇచ్చారు. అనంత్ కు రిలయన్స్ ఇండస్ట్రీస్ ను అప్పగించనున్నారు. పెట్రో కెమికల్స్ రంగానికి చెందిన వ్యాపారం కావడంతోనే అనంత్ కోసం దుబాయ్ లో విల్లాను కొనుగోలు చేసినట్లు తెలుస్తోంది.