Metro Travel – ఢిల్లీ మెట్రోలో విద్యార్ధుల‌తో మోడీ ముచ్చ‌ట్లు ..

న్యూఢిల్లీ – ప్రధాని మోడీ ఢిల్లీ మెట్రో రైల్లో ప్రయాణించారు. ఈరోజు ఢిల్లీ యూనివర్శిటీ శతాబ్ది ఉత్సవాలు జరుగ‌నున్న నేప‌థ్యంలో ఈ కార్యక్రమానికి ముఖ్య అతిథిగా మోడీ హాజరవుతున్నారు. ఈ క్రమంలో తన కాన్వాయ్ లో కాకుండా మెట్రో రైల్లో ప్రధాని యూనివర్శిటీకి పయనమయ్యారు. ప్రయాణం సందర్భంగా బోగీలో ఉన్న విద్యార్థులతో ఆయన ముచ్చటించారు. విద్యార్ధుల‌తో ఆయ‌న ఉత్స‌హంగా మాట్లాడారు.. వ‌ర్శిటీ విద్యా ప్ర‌మాణాల‌పై ఆరా తీశారు.. ఈ సంద‌ర్భంగా ప‌లువురు విద్యార్ధులు మోడీతో సెల్ఫీలు దిగారు.. త‌మ‌తో పాటు మోడీ మెట్రోలో ప‌య‌నించ‌డం ప‌ట్ల విద్యార్ధులు హర్షం వ్య‌క్తం చేశారు..