హైదరాబాద్‌, ఆంధ్రప్రభ : సివిల్స్‌లో విజేత, ఎస్సీ గురుకుల పాఠశాల పూర్వ విద్యార్థి ఆకునూరి నరేష్‌ను ఎస్సీ కులాల అభివృద్ధి శాఖ మంత్రి కొప్పుల ఈశ్వర్‌ అభినందించారు. ఆకునూరి నరేష్‌ రంగారెడ్డి జిల్లా చిలుకూరు గురుకుల విద్యాసంస్థలో ఇంటర్మీడియేట్‌ వరకు చదువుకున్నాడు. ఈ ఏడాది సివిల్స్‌లో 117 వ ర్యాంకు సాధించిన నరేష్‌ ఐఎఎస్‌కు ఎంపికయ్యాడు.
ఈ సందర్భంగా బుధవారం హైదరాబాద్‌లో మంత్రి కొప్పుల ఈశ్వర్‌ను ఆయన ఛాంబర్‌లో నరేష్‌ మర్యాదపూర్వకంగా కలిశాడు. నరేష్‌ను మంత్రి కొప్పుల పుష్పగుచ్ఛంతో శాలువా కప్పి సన్మానించారు. మంత్రితో కలిసి అల్పాహారాన్ని నరేష్‌ స్వీకరించాడు. ఈ కార్యక్రమంలో ఎస్సీ గురుకుల విద్యా సంస్థల సొసైటీ కార్యదర్శి రోనాల్డ్‌ రాస్‌, సొసైటీ అధికారులు శారద,చంద్రకాంత్‌ రెడ్డి పాల్గొన్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..