సీఎం జగన్ తో మంత్రి ధర్మాన భేటీ.. రాజీనామా చేస్తానన్న ధర్మాన

ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్మోహన్ రెడ్డితో మంత్రి ధర్మాన భేటీ అయ్యారు. అయితే ఏపీలో మూడు రాజధానులపై అధికార వైసీపీలో కీలక సంకేతాలు వెలువడినట్లు తెలుస్తోంది. ఈ క్రమంలోనే సీనియర్ మంత్రి ధర్మాన రాజీనామా ప్రతిపాదన అంశం తెరపైకి వచ్చింది. దీనిలో భాగంగా సీఎం జగన్ తో మంత్రి ధర్మాన ప్రసాద్ భేటీ అయ్యారు. పరిపాలన రాజధానిగా విశాఖ సాధన ఉద్యమం కోసం ధర్మాన రాజీనామా చేస్తానని తెలిపారు. ఈ నేపథ్యంగా తన రాజీనామాను అనుమతించాలని జగన్ ను కోరారు. అయితే ధర్మానను సీఎం జగన్ వారించారు. మూడు ప్రాంతాలకు సమ న్యాయం చేయడమే ప్రభుత్వ ధ్యేయమని తేల్చి చెప్పారు.