కిరణ్‌ అబ్బవరం నటిస్తున్న తాజా చిత్రం మీటర్. మైత్రీ మూవీ మేకర్స్‌ సమర్పిస్తున్న చిత్రమిది. ఈ సినిమా నుండి ”చమ్మక్‌.. చమ్మక్‌ పోరీ” పాట విడుదలైంది. రమేష్‌ కడూరి దర్శకత్వం వహిస్తున్నారు. ఈ యాక్షన్‌ ఎంటర్‌-టైనర్‌ను క్లాప్‌ ఎంటర్‌-టైన్‌మెంట్‌ నిర్మిస్తోంది. కిరణ్‌ అబ్బవరం పోలీస్‌ పాత్రలో కనిపించనున్నారు. మేకర్స్‌ మొదటి సింగిల్‌ ”చమ్మక్‌ చమ్మక్‌ పోరీ… ” విడుదల చేయడం ద్వారా మ్యూజికల్‌ ప్రమోషన్‌లను ప్రారంభించారు. హైదరాబాద్‌లోని క్రాస్‌ రోడ్స్‌లోని సంధ్య 70 ఎమ్‌ఎమ్‌ థియేటర్‌లో ఈ పాటను విడుదల చేశారు.
పాటలో కిరణ్‌, అతుల్య రవి ఒకరికొకరు తమ ప్రేమ, ఆప్యాయతను ప్రదర్శించారు. కిరణ్‌ అబ్బవరమ్‌ డ్యాన్స్‌లు ఆకట్టు-కున్నాయి. అతని సరసన అతుల్య చక్కగా కనిపించింది. గీత రచయిత బాలాజీ మాస్‌ ఆకట్టు-కునే సాహిత్యం అందించారు. అరుణ్‌ కౌండిన్య , ఎంఎల్‌ గాయత్రి ఆలపించారు.
ఈ సందర్భంగా కిరణ్‌ అబ్బవరం మాట్లాడుతూ ”చమ్మక్‌ చమ్మక్‌ పాట షూటింగ్‌ జరిగిన సెట్‌ చూసి అసలు ఇది మన పాటేనా ! ఇంతపెద్ద సెట్‌ లో షూట్‌ చేయబోతున్నామా అనిపించింది. దీనికి కారణం నిర్మాత చెర్రీ గారు. ఇంత పెద్ద సెట్‌ లో ఇంత గ్రాండ్‌ గా ఒక పాట షూట్‌ చేశామంటే దానికి కారణం చెర్రీ గారే. నన్ను నమ్మి ఇంత పెద్ద సెట్‌ వేసిన చెర్రీగారికి కృతజ్ఞతలు. సాయి కార్తిక్‌ అన్న అద్భుతమైన మ్యూజిక్‌ ఇచ్చారు. ఈ పాటే కాదు ఇందులో పాటలన్నీ బావుంటాయి. సినిమాలో ఎంటర్‌-టైన్‌ మెంట్‌ మీటర్ ఎక్కడా తగ్గదు. మీటర్ మీకు చాలా బాగా నచ్చుతుంది. ఏప్రిల్‌ 7న అందరూ థియేటర్‌ లో ఎంజాయ్ చేయండి అన్నారు
నిర్మాత చెర్రీ మాట్లాడుతూ.. సాయి కార్తిక్‌ చాలా మంచి సాంగ్‌ ఇచ్చారు. జేవీ అద్భుతమైన సెట్‌ చేశారు. ఈ పాట కోసం యాభై లక్షలు అనుకున్న సెట్‌ కోటి రూపాయిలు అయ్యింది. పాట అద్భుతంగా వచ్చింది. అందరూ సినిమా చూసి పెద్ద విజయాన్ని ఇవ్వాలి’ అని కోరారు
దర్శకుడు రమేష్‌ మాట్లాడుతూ ” సమ్మర్ కి సమ్మగా వుండే సినిమా మీటర్. మాములుగా వుండదు పెద్ద హిట్‌ అవుతుంది” అన్నారు.
సాయి కార్తిక్‌ మాట్లాడుతూ ”ఎమోషన్‌ ని కమర్షియల్‌ గా చేయడం అరుదైన కాంబినేషన్‌. పటాస్‌ నాకు పెద్ద హిట్టు-. అలాంటి రేంజ్‌ లో వుండే మరో సినిమా మీటర్.” అన్నారు. ఆర్ట్‌ డైరెక్టర్‌ జెవి, డైలాగ్‌ రైటర్‌ సూర్య, కొరియోగ్రఫర్‌ భాను చిత్ర బృందం ఈ ఈవెంట్‌ లో పాల్గొన్నారు.
మైత్రీ మూవీ మేకర్స్‌పై నవీన్‌ యెర్నేని, రవిశంకర్‌ యలమంచిలి సమర్పణలో చిరంజీవి (చెర్రీ), హేమలత పెదమల్లు ఈ చిత్రాన్ని నిర్మిస్తున్నారు.