మెగా పవర్‌స్టార్ రామ్ చరణ్ అభిమానుల కోసం ఆసక్తికరమైన అప్‌డేట్.. వ‌రల్డ్ వైడ్ బ్లాక్ బస్ట‌ర్ RRR కి సినిమా కంటే ముందు డైరెక్టర్ SS రాజమౌళి దర్శకత్వం వ‌హించిన మగధీర మూవీలో హీరోగా నటించారు చరణ్. అయితే, ఆ మూవీని ప్రోడ్యూస్ చేసిన ప్ర‌ముఖ ప్రోడ‌క్ష‌న్ సంస్థ గీతా ఆర్ట్స్ ఈ మూవీకి సంబంధించిన ఓ కీలక విషయాన్ని ప్రకటించింది.
మ‌హేష్ బాబు పోకిరీ సినిమాతో స్టార్ట్ అయిన రీ-రిలీజ్ ట్రెండ్ టాలీవుడ్‌లో ఇప్ప‌టికీ ట్రెండ్ కొనసాగుతోంది. ఈ సంద‌ర్బంగా, ఇండస్ట్రీ హిట్ అయిన మగధీరను వ‌చ్చే నెల మార్చి 27న రామ్ చరణ్ పుట్టిన రోజున మళ్లీ థియేటర్లలో గ్రాండ్ రీ-రిలీజ్ చేయడానికి సిద్ధంగా ఉన్నట్లు ఈరోజు గీతా ఆర్ట్స్ ప్రకటించింది.
పీరియాడికల్ రొమాంటిక్ యాక్షన్ డ్రామాగా తెర‌కెక్కిన మగధీర మూవీలో కాజల్ అగర్వాల్, దేవ్ గిల్, శ్రీహరి, రావు రమేష్, సునీల్, శరత్ బాబు మరియు ఇతరులు ముఖ్యమైన పాత్రల్లో నటించారు. ఈ మూవీకి గోల్డెన్ గ్లోబ్ అవార్డు గ్రహీత MM కీరవాణి సంగీతాన్ని అందించారు.