టీ20 ప్రపంచకప్‌లో భాగంగా నేడు భారత్ – కెనడా మధ్య జరగాల్సిన మ్యాచ్ వర్షం కారణంగా రద్దయింది. ఫ్లోరిడాలో వర్షం కారణంగా టాస్ కూడా వేయకుండానే మ్యాచ్‌ను రద్దు చేయాల్సి వచ్చింది. ఉదయం నుంచి వర్షం కురుస్తున్నప్పటికీ.. కాసేపటి తర్వాత వర్షం ఆగడంతో కనీసం ఐదు ఓవర్ల మ్యాచ్ అయినా జరుగుతుందని అభిమానులు ఆశించారు. అయితే కొద్దిసేపటికే మళ్లీ వర్షం కురుస్తుండటంతో మ్యాచ్ జరిగే అవకాశం లేదని తేల్చేసిన అంపైర్లు.. ఇరు జట్లకు ఒక పాయింట్ ఇచ్చి మ్యాచ్‌ను రద్దు చేశారు.
దీంతో భారత్ జ‌ట్లు గ్రూప్ స్టేజ్ నుంచి అజేయంగా సూపర్ 8 దశకు చేరుకుంది. ఇక గ్రూప్-ఎ నుంచి భారత్‌తో పాటు.. తొలిసారి టీ20 ప్రపంచకప్ ఆడిన అమెరికా కూడా సూపర్ 8కి అర్హత సాధించింది. దీంతో గ్రూప్-ఎలోని కెనడా, ఐర్లాండ్, పాకిస్థాన్, కెనడా టీ20 ప్రపంచకప్ 2024 నుంచి నిష్క్రమించాయి.