మారుతీ సుజుకి ఇండియా లిమిటెడ్ జనవరిలో గ్రేటర్ నోయిడాలో ఆటో ఎక్స్‌పోలో CNG-స్పెక్ బ్రెజ్జా కాంపాక్ట్ SUVని ఆవిష్కరించింది. మారుతి సుజుకి తన S-CNG పోర్ట్‌ఫోలియోను విస్తరించాలని చూస్తున్నందున ఇది CNG పవర్‌ట్రెయిన్‌ను కలిగి ఉన్న మొదటి కాంపాక్ట్ SUVగా మారింది.
బ్రెజ్జా S-CNG K-సిరీస్ 1.5L డ్యూయల్ జెట్, డ్యూయల్ VVT ఇంజన్‌తో శక్తిని పొందుతుంది. అయితే, బ్రెజ్జా S-CNG గరిష్ట పవర్ అవుట్‌పుట్ 64.6kW@5500rpm అండ్ 121.5Nm గరిష్ట టార్క్ @4200rpm. CNG SUV 25.51 km/kg ఇంధన సామర్థ్య రేటింగ్‌ను కలిగి ఉంది.
మారుతి సుజుకి బ్రెజ్జా S-CNG 5-స్పీడ్ మాన్యువల్ గేర్ ట్రాన్స్‌మిషన్, మూడు వేరియంట్లు – LXi, VXi, ZXi – డ్యూయల్-టోన్ కలర్ ఆప్షన్‌లతో అందుబాటులో ఉంది. బ్రెజ్జా S-CNG లో ఎలక్ట్రిక్ సన్‌రూఫ్, క్రూయిస్ కంట్రోల్, వైర్‌లెస్ ఆపిల్ కార్‌ప్లే, ఆండ్రాయిడ్ ఆటోతో కూడిన స్మార్ట్‌ప్లే ప్రో ఇన్ఫోటైన్‌మెంట్ సిస్టమ్, కీలెస్ పుష్ స్టార్ట్, వంటి ఫీచర్ల కూడా ఉన్నాయి.
రెగ్యులర్ మారుతి సుజుకి బ్రెజ్జా బేస్ వేరియంట్ ధర రూ.8.20 లక్షలు. CNG వేరియంట్ LXi, VXi, ZXi, ZXi డ్యూయల్ టోన్ అనే నాలుగు గ్రేడ్‌ల విస్తృత శ్రేణిలో అందుబాటులో ఉంది. కాగా, రెగ్యులర్ పెట్రోల్-ఇంజిన్ వేరియంట్‌లతో పోలిస్తే, సంబంధిత CNG వెర్షన్‌లు దాదాపు రూ.1 లక్ష డిఫరెనెస్స్ ఉంటుంది.
బ్రెజ్జా S-CNG వేరియంట్లు ఎక్స్-షోరూమ్ ఫ్రైజ్
LXi S-CNG- 9,14,000
VXi S-CNG-10,49,500
ZXi S-CNG-11,89,500
ZXi S-CNG Dual Tone- 12,05,500
దేశంలో అతిపెద్ద కార్ల ఉత్పత్తి సంస్థ బ్రెజ్జా CNG బుకింగ్‌లను అధికారికంగా ప్రారంభించింది, ప్రారంభ టోకెన్ ధర రూ.25,000 ఉండనుంది. కస్టమర్ డెలివరీలు రాబోయే నెలల్లో జరుగుతాయి.