మావోయిస్టులు 12 వాహనాలకు నిప్పు పెట్టిన ఘ‌ట‌న ఛత్తీస్‌గఢ్‌లో చోటుచేసుకుంది.రాష్ట్రంలోని బీజాపూర్‌, నారాయణపూర్‌ జిల్లాల సరిహద్దులో 12 వాహనాలకు నిప్పు పెట్టి మావోయిస్టులు దుశ్చర్యకు పాల్పడ్డారు. ఆయుధాలతో నిర్మాణ ప్రదేశం వద్దకు వచ్చిన మావోయిస్టులు… రహదారి పనులు చేస్తున్న సిబ్బందిని చితకబాది… 9 ట్రాక్టర్లు, రెండు జేసీబీలు, డోజర్లను తగులబెట్టారు.
బామ్రా గఢ్ ప్రాంతంలో ప్రధానమంత్రి గ్రామీణ సడక్ యోజన పథకం కింద దోదరాజ్ నుంచి కవండే వరకు రోడ్లు వేస్తుండగా ఈ ఘటనకు పాల్పడినట్లు తెలుస్తోంది. ఈరోడ్డు నిర్మాణం పూర్తయితే వారి ఉనికికే ప్రమాదం ఏర్ప‌డుతుంద‌ని భావించి… వాహనాలను తగలబెట్టినట్లు తెలుస్తోంది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..