మానకొండూర్, ఆంధ్రప్రభ : ఆర్టీసీ బస్సు ద్విచక్ర వాహనాన్ని ఢీకొన్న ఘటనలో ఓ వ్యక్తి అక్కడికక్కడే మృతిచెందిన సంఘటన
కరీంనగర్ జిల్లా మానకొండూరు మండలం శంషాబాద్ స్టేజ్ వద్ద గురువారం చోటుచేసుకుంది.
కరీంనగర్-వరంగల్ ప్రధాన రహదారిపై శంకరపట్నం మండలం చింతగుట్ట గ్రామానికి చెందిన కర్క మల్లారెడ్డి(65) శంకరపట్నం వైపు వెళ్తుండగా వరంగల్ వైపు నుండి వస్తున్న సిరిసిల్ల డిపోకు చెందిన ఆర్టీసీ బస్సు మల్లారెడ్డి ద్విచక్ర వాహనాన్ని ఢీకొనడంతో అక్కడికక్కడే మృతిచెందాడు. సంఘటన స్థలానికి చేరుకున్న పోలీసులు కేసు నమోదు చేసుకుని దర్యాప్తు ప్రారంభించారు.
- Advertisement -