ఈ నెలలో కొన్ని ఎస్యూవీ కార్లపై రూ.72వేల వరకు భారీ డిస్కౌంట్లు అందిస్తోంది మహీంద్రా అండ్ మహీంద్రా సంస్థ. అందులో మరాజో, బొలేరో, బలేరో నియో, థార్ 4డబ్ల్యూడీ, ఎక్స్యూవీ300 వంటి మోడల్స్పై డిస్కౌంట్లు ఉన్నాయి. అయితే, స్కార్పియో N, స్కార్పియో క్లాసిక్, థార్ 2WD, XUV400 EV వంటి మోడళ్లపై ఎలాంటి డిస్కౌంట్స్ లేవు. ఇక, ఆసక్తి గల కస్టమర్‌లు ఈ నెల (ఏప్రిల్)లో ఈ ఎస్యూవీ కార్లపై ఈ ఆఫర్‌లను పొందవచ్చని కంపెనీ తెలిపింది. డిస్కౌంట్ల పై పూర్తి వివరలివే..
మరాజో:
ఈ ఎంపీవీపై రూ.72వేల వరకు డిస్కౌంట్లు లభిస్తున్నాయి. ఎం6 వేరియంట్పై క్యాష్ డిస్కౌంట్ కూడా ఉంది. ఎం4+, ఎం2పై రూ. 34వేలు, రూ. 58వేల వరకు క్యాష్ డిస్కౌంట్ను పొందవచ్చు. ఈ మరాజో ఎంపీవీలో 1.5 లీటర్ డీజిల్ ఇంజిన్ ఉంటుంది. ఇది 123 హెచ్పీ పవర్ను, 300ఎన్ఎం టార్క్ను జనరేట్ చేస్తుంది. ఇందులో 6 స్పీడ్ మేన్యువల్ గేర్బాక్స్ ఉంటుంది.
మహీంద్రా బొలేరో:
మహీంద్రా బొలేరోపై రూ.66వేల వరకు డిస్కౌంట్లు లభిస్తున్నాయి. బీ6(ఓ)పై రూ.51వేల వరకు క్యాష్ డిస్కౌంట్తో పాటు రూ.15వేల విలువ చేసే యాక్ససరీస్ కిట్ ఉచితంగా దక్కించుకోవచ్చు. బీ6, బీ4పై రూ.24వేలు, రూ.37వేల వరకు ఆఫర్స్ ఉన్నాయి. ఈ బలేరోలో 1.5 లీటర్ డీజిల్ ఇంజిన్ ఉంటుంది. ఇది 75 హెచ్పీ పవర్ను జనరేట్ చేస్తుంది.
మహీంద్రా ఎక్స్యూవీ300:
మహీంద్రా ఎక్స్యూవీ300పై రూ.52వేల వరకు డిస్కౌంట్లు ఉన్నాయి. డబ్యూ8 డీజిల్ వేరియంట్పై రూ.42వేల క్యాష్ డిస్కౌంట్తో పాటు రూ.10వేల యాక్ససరీస్ కిట్ ఉచితంగా దక్కించుకోవచ్చు. డబ్ల్యూ8(ఓ), డబ్ల్యూ6 డీజిల్ వేరియంట్లపై రూ.22వేలు, రూ.10వేల వరకు ఆఫర్స్ ఉన్నాయి. ఇక డబ్ల్యూ8(ఓ) పెట్రోల్ వేరియంట్పై రూ.25వేలు.. డబ్ల్యూ8- డబ్ల్యూ6 వేరియంట్లపై రూ.20వేల వరకు డిస్కౌంట్లు ఉన్నాయి. మహీంద్రా ఎక్స్యూవీ300 టర్బోస్పోర్ట్లో 1.2 లీటర్ టర్బో పెట్రోల్ ఇంజిన్ ఉంటుంది. ఇది 130హెచ్పీ పవర్ను జనరేట్ చేస్తుంది. దీనిపై రూ.10వేల వరకు డిస్కౌంట్లు లభిస్తున్నాయి.
మహీంద్రా థార్ 4X4:
మహీంద్రా థార్ 4X4 మోడల్పై రూ.40వేల వరకు డిస్కౌంట్లు ఇస్తోంది కంపెనీ.. ఇందులో 2.0 లీటర్ పెట్రోల్ ఇంజిన్ 2.2 లీటర్ డీజిల్ ఇంజిన్ ఆప్షన్స్ ఉన్నాయి. 6 స్పీడ్ మేన్యువల్ లేదా 6 స్పీడ్ ఆటోమెటిక్ గేర్బాక్స్ ఆప్షన్స్ లభిస్తున్నాయి.
మహీంద్రా బొలేరో నియో:
మహీంద్రా బొలేరో నియోపై రూ.48వేల వరకు డిస్కౌంట్లు ఉన్నాయి. ఇందులో 1.5 లీటర్ డీజిల్ ఇంజిన్ ఉంటుంది. ఇది 100 హెచ్పీ పవర్ను జనరేట్ చేస్తుంది. 5 స్పీడ్ మేన్యువల్ గేర్బాక్స్ దీని సొంతం.
ఈ డిస్కౌంట్లు నగరాలని బట్టి మారుతూ ఉంటాయి. పూర్తి వివరాల కోసం సమీప డీలర్షిప్ షోరూంకు వెళ్లాల్సి ఉంటుంది.