ప్ర‌యోగ్ రాజ్ – కేంద్ర మంత్రి అమిత్ షా కుంభమేళా సందర్భంగా త్రివేణి సంగమంలో నేడు పుణ్యస్నానాలు ఆచరించారు. అమిత్ షాతో పాటు ఉత్తర ప్రదేశ్ ముఖ్యమంత్రి యోగి ఆదిత్యనాథ్, యోగా గురువు రాందేవ్ బాబా కూడా పుణ్యస్నానమాచరించారు. 45 రోజుల పాటు జరగనున్న ఈ కుంభమేళాలో ప్రముఖులు పుణ్యస్నానాలు ఆచరిస్తున్నారు. ఈరోజు అమిత్ షా కుంభమేళాలో పాల్గొన్నారు. పుణ్య స్నానం అచరించిన అనంత‌రం ఆక్క‌డే ఉన్న ఆల‌యంలో ప్రత్యేక పూజలు చేశారు..
ఇది ఇలా ఉంటే ఉత్తర ప్రదేశ్‌లోని ప్రయాగ్‌రాజ్‌లో జరుగుతోన్న మహా కుంభమేళాకు భక్త కోటి తరలి వస్తోంది. ఇప్ప‌టి వరకు 10 కోట్ల మందికి పైగా మ‌హాకుంభ‌మేళాకు త‌ర‌లివ‌చ్చారు.. త్రివేణి సంగమం వద్ద పుణ్యస్నానమాచరించి ప్రత్యేక పూజలు నిర్వహించారు. ఈ కుంభమేళా ఫిబ్రవరి 26 వరకు జరగనుంది. ఈ నెల 29న మౌని అమావాస్య కావడంతో ఆ రోజున 8 కోట్ల నుంచి 10 కోట్ల మంది భక్తులు పాల్గొంటారని అంచనా వేస్తున్నారు. అందుకు త‌గ్గ‌ట్టుగా యోగి ప్ర‌భుత్వం ఏర్పాట్లు చేస్తున్న‌ది.