ఇటీవల కాలంలో ప్రేమ పేరుతో చాలా మంది బలవన్మరణాలకు పాల్పడుతున్నారు.తాజాగా ఒంగోలు పట్టణంలోని పెళ్లూరు గ్రామ సమీపంలో చీమకుర్తి ప్రాంతానికి చెందిన ఇద్దరు ప్రేమికులు రైలు కింద పడి ఆత్మహత్య చేసుకున్నారు. పెద్దలు వీరి పెళ్లికి అంగీకరించలేదని అందుకే ఈ జంట ఆత్మహత్యకు పాల్పడినట్టు రైల్వే పోలీసులు చెబుతున్నారు. ఇక అబ్బాయి మద్ది వెంకట సాయి వైశ్య కులానికి చెందిన వాడు.
అమ్మాయి గౌడా కులానికి చెందిన అమ్మాయి గా సమాచారం. అయితే ఈ ఇద్దరు పెళ్లి కూడా చేసుకున్నట్టు తెలుస్తుంది. వారం రోజుల క్రితం చీమకుర్తి పోలీస్ స్టేషన్ కు రక్షణ కల్పించమని అడిగినట్టు కూడా సమాచారం. కాగా కేసు నమోదు చేసుకున్న పోలీసులు ఆత్మహత్యకు గల కారణంపై దర్యాప్తు చేస్తున్నారు.