న్యూ ఢిల్లీ – లోక్ సభ స్పీకర్ ఓం బిర్లా సంచలన నిర్ణయం తీసుకున్నారు.. పార్లమెంట్ ప్రవేశద్వారాల వద్ద నిరసన ప్రదర్శనలను నిషేధించారు . నిన్న అధికార , విపక్షాల సభ్యుల మధ్య జరిగిన తోపులాట నేపథ్యంలో ఈ నిర్ణయం స్పీకర్ తీసుకున్నారు.ఏ ప్రవేశ ద్వారం వద్ద ఏలాంటి నిరసన ప్రదర్శనలు చేయరాదని ఎంపీలందరికీ ఆదేశాలు జారీ చేశారు స్పీకర్ ఓం బిర్లా.
రాహుల్ గాంధీ పై కేసు
నిన్న జరిగిన తోపులాట పై వడోదర బిజేపి ఎంపీ హేమాంగ్ జోషి ఇచ్చిన ఫిర్యాదు మేరకు రాహుల్ గాంధీ పై కేసు నమోదు అయింది. ప్రశ్నించేందుకు రాహుల్ గాంధీ ని పిలుస్తామని చెప్పారు సంబంధిత పోలీసు అధికారి. సంఘటన జరిగిన ప్రాంతంలోని “సిసిటివి ఫుటేజీ”ని ఇవ్వాలని పార్లమెంట్ కార్యాలయంను కోరనున్నారు పోలీసులు. ఇక అటు బిజేపి ఎంపీల పై కాంగ్రెస్ ఎంపీల బృందం పోలీసులకు ఫిర్యాదు చేసింది. సంఘటన పై విచారణ జరపాలని కోరుతూ స్పీకర్ ఓం బిర్లా కు లేఖ రాశారు కాంగ్రెస్ ఎంపీలు.