నేషనలిస్ట్ కాంగ్రెస్ పార్టీ (ఎన్సీపీ) అధినేత శరద్ పవార్ కు గుర్తు తెలియని వ్యక్తుల నుంచి చంపేస్తామంటూ హెచ్చ‌రిక‌లు వ‌చ్చాయి.. దీంతో వెంటనే అప్రమత్తమైన పవార్ కుమార్తె, ఎంపీ సుప్రియా సూలే నేతృత్వంలోని పార్టీ నేతలు ముంబై పోలీసు కమిషనర్ కు ఫిర్యాదు చేశారు. బెదిరింపులకు పాల్పడిన వారిపై కఠిన చర్యలు తీసుకోవాలని కోరారు.
“పవార్ సాహెబ్ కోసం నా వాట్సాప్ కు మెసేజ్ వచ్చింది. లఅది బెదిరింపు సందేశం. ఓ వెబ్ సైట్ ద్వారా నా తండ్రి పవార్ ను బెదిరించారు” అని సుప్రియా సూలే పేర్కొన్నారు. తనకు న్యాయం చేయాలని కోరుతూ పోలీసులను ఆశ్రయించానని తెలిపారు. ముంబై పోలీసు కమిషనర్ ను కలిసి ఈ విషయాన్ని తెలియజేశానని చెప్పారు. ఈ ఘటనపై ఫిర్యాదు చేసిన సూలే శరద్ పవార్ కు ఏదైనా జరిగితే రాష్ట్ర హోం మంత్రి బాధ్యత వహించాలన్నారు. ఈ కేసులో మహారాష్ట్ర ప్రభుత్వం, కేంద్ర హోంమంత్రి కలుగజేసుకోవాలని డిమాండ్ చేశారు.