ఏపీలో కొత్తగా 218 కరోనా కేసులు

ఏపీలో కరోనా కేసులు క్రమంగా పెరుగుతున్నాయి. గడిచిన 24 గంటల్లో ఏపీలో 31,165 కరోనా పరీక్షలు నిర్వహించగా 218 మందికి పాజిటివ్ అని తేలింది. అత్యధికంగా చిత్తూరు జిల్లాలో 63 కొత్త కేసులు నమోదు కాగా గుంటూరు జిల్లాలో 24, తూ.గో. జిల్లాలో 23, కడప జిల్లాలో 21, కృష్ణా జిల్లాలో 21, కర్నూలు జిల్లాలో 18, విశాఖ జిల్లాలో 13 మందికి కరోనా సోకినట్టు గుర్తించారు. అత్యల్పంగా ప్రకాశం జిల్లాలో 2, నెల్లూరు జిల్లాలో 5 పాజిటివ్ కేసులు నమోదయ్యాయి. గత 24 గంటల్లో 117 మంది కరోనా నుంచి కోలుకోగా ఎవరూ మరణించలేదు. ఏపీలో ఇప్పటివరకు 8,92,740 పాజిటివ్ కేసులు నమోదు కాగా 8,83,759 మంది కరోనా నుంచి కోలుకున్నారు. అటు యాక్టివ్ కేసుల సంఖ్య కూడా 1795గా నమోదైంది. కరోనా మరణాల సంఖ్య 7,186గా ఉంది.