షార్ట్ డ్రెస్ ల్లో మెరిసింది న‌టి మృణాల్ ఠాకూర్.. బాలీవుడ్‌ స్టార్‌ అక్షయ్‌కుమార్ న‌టిస్తోన్న తాజా చిత్రం సెల్ఫీ. రాజ్‌మెహ్‌తా దర్శకత్వం వహించిన ఈ సినిమా మలయాళంలో సూపర్‌ హిట్టయిన ‘డ్రైవింగ్‌ లైసెన్స్‌’ సినిమాకు రీమేక్‌గా తెరకెక్కింది.కామెడీ డ్రామా నేపథ్యంలో తెరకెక్కిన ఈ సినిమాలో నుష్రత్‌ భరుచ్చా, డయానా పెంటీ హీరోయిన్‌లుగా నటించారు. ధర్మ ప్రొడక్షన్స్‌, కేప్ ఆఫ్ గుడ్ ఫిలింస్ సంస్థలతో కలిసి మలయాళ స్టార్‌ పృథ్విరాజ్‌ సుకుమార్‌ నిర్మిస్తున్నారు. ఈ సినిమా ఫిబ్రవరి 24న గ్రాండ్‌గా విడుదల కాబోతుంది. సెలబ్రెటీ పాత్రలో అక్షయ్‌ నటించగా.. పోలీస్‌ పాత్రను ఇమ్రాన్‌ హష్మీ పోషిస్తున్నారు. తాజాగా మేకర్స్‌ ఈ సినిమాలోని కుడియే ని తేరి అంటూ సాగే పాటను రిలీజ్‌ చేశారు. ఈ ప్రత్యేక గీతంలో అక్షయ్‌తో కలిసి మృణాల్ థాకూర్ స్టెప్పులేసింది. ఈ పాటలో మృణాల్ పొట్టి పొట్టి డ్రెస్సుల్లో అందాలు ఒలకబోస్తూ యూత్‌లో హీట్‌ పెంచుతుంది. తాజాగా రిలీజైన ఈ పాట నెట్టింట తెగవైరల్‌ అవుతుంది.
