ఈడెన్ గార్డెన్స్ వేదికగా ఇవ్వాల జరుగుతున్న మ్యాచ్‌లో కోల్కతా నైట్‌రైడర్స్‌ బ్యాటర్లు వీరవిహారం చేశారు. పంజాబ్‌పై టాస్ ఓడి తొలుత బ్యాటింగ్ చేపిన కోల్కతా బ్యాటర్లు నిర్ణీత 20 ఓవర్లలో 6 వికెట్ల నష్టానికి 261 పరుగులు బాదారు. సొంత‌మైదానంలో పంజాబ్ కింగ్స్ బౌలర్ల‌ను ఉతికేస్తూ మ‌రోసారి భారీ స్కోర్ సాధించారు.
ఓపెన‌ర్లు ఫిలిప్ సాల్ట్ (75), సునీల్ న‌రైన్(71) అదిరే అరంభ‌మిచ్చారు. చెరో హాఫ్ సెంచరీలతో బౌండ‌రీల మోత మోగించాడు. ఇక చివ‌ర్లో కెప్టెన్ శ్రేయ‌స్ అయ్య‌ర్ (28), ఆండ్రీ రస్సెల్ (24) వెంక‌టేశ్ అయ్య‌ర్ (39) చెలరేగారు. దాంతో, పంజాబ్‌కు కోల్కతా దాదాపు అసాధ్య‌మైన ల‌క్ష్యాన్ని నిర్దేశించ‌గ‌లిగింది.