సోద‌రుడితో గ‌ర్భం – అబార్ష‌న్ కు హైకోర్టు ఆదేశం..

కొచ్చి: సోద‌రుని వ‌ల్ల మైన‌ర్ బాలిక గ‌ర్భం దాల్చింది. అయితే ఆ మైన‌ర్ గ‌ర్భాన్ని తొల‌గించేందుకు కేర‌ళ హైకోర్టు ఆదేశాలు జారీ చేసింది. ఈ కేసులో జ‌స్టిస్ జియాద్ రెహ్మాన్ తీర్పును ఇచ్చారు. అనాలోచిత ప్ర‌వ‌ర్త‌న వ‌ల్ల వ‌చ్చిన గర్భాన్ని తొల‌గించేంద‌కు అనుమ‌తి ఇవ్వ‌వ‌ల‌సిందిగా కోరుతూ ఆ బాలిక తండ్రి హైకోర్టును ఆశ్ర‌యించారు.. దీనిపై విచార‌ణ జ‌రిపిన కోర్టు మెడిక‌ల్ బోర్డు రిపోర్టు ప్రకారం 32 వారాల దాటిన గ‌ర్భాన్ని కొన‌సాగించినా దాని వ‌ల్ల ఆ అమ్మాయికి సామాజిక, మాన‌సిక‌మైన ఆరోగ్య స‌మ‌స్య‌లు వ‌చ్చే అవ‌కాశం ఉన్న‌ట్లు అభిప్రాయ‌ప‌డింది. ఆ బాధితురాలి వ‌య‌సు 15 ఏళ్లు కావ‌డంతో ఒక‌వేళ అబార్ష‌న్ చేయించ‌కుండా కొన‌సాగిస్తే, ఆ అమ్మాయి బిడ్డ‌కు జ‌న్మ‌నిస్తుంద‌ని, అప్పుడు స‌మ‌స్య మ‌రింత జ‌ఠిలం అవుతుంద‌ని కోర్టు చెప్పింది. అందుకే పిటిష‌న్ దాఖ‌లు చేసిన అభ్య‌ర్థి కూతురి గ‌ర్భాన్ని తొల‌గించాల‌ని ఆదేశిస్తున్న‌ట్లు కోర్టు తెలిపింది. ఈ నేప‌థ్యంలో మాల‌పురం ప్ర‌భుత్వం ఆస్ప‌త్రి, డాక్ట‌ర్లకు కోర్టు ఆదేశాలు ఇచ్చింది. వారంలోగా ఈ ప్ర‌క్రియ‌ను పూర్తి చేయాల‌ని వైద్యుల‌ను కోరింది.