రాజ్యసభ సభ్యుడు జోగినపల్లి సంతోష్ కుమార్ ప్రారంభించిన గ్రీన్ ఇండియా చాలెంజ్ లో భాగంగా సినీ గేయ రచయిత కాసర్ల శ్యామ్ ఈ రోజు మొక్కలు నాటారు. మహా శివరాత్రి పర్వదినాన్ని పురస్కరించుకుని దుబ్బాక మండలం కూడవెళ్లి రామలింగేశ్వర స్వామి ఆలయ ప్రాంగణంలో పరమ శివునికి ప్రీతికరమైన మారేడు మొక్కను నాటారు. ఆలయ ప్రధానార్చకులు, బ్రహ్మాశ్రీ సంకేత శర్మతో కలిసి ఈ మొక్కలు నాటారు.
ఈ సందర్భంగా సినీగేయ రచయిత కాసర్ల శ్యామ్ మాట్లాడుతూ శివరాత్రి పర్వదినం రోజు కూడవెళ్లి క్షేత్రం లాంటి పురాతణాలయంలో మొక్క నాటడం అదృష్టంగా భావిస్తున్నానని, అలాగే గ్రీన్ ఇండియా చాలెంజ్ వంటి అద్భుతమైన కార్యక్రమాన్ని నిర్వహిస్తున్న ఎంపీ సంతోష్ కుమార్ ఆ పరమ శివుని కృపతో సంతోషంగా ఉండాలని ఆకాంక్షించారు. ఆలయ ప్రధాన పూజారి సంకేత శర్మ, ఎం.పీ సంతోష్ కుమార్ పేరు మీద అర్చన చేసి ఆశీర్వచనాలు అందజేశారు. కార్యక్రమంలో గ్రీన్ ఇండియా చాలెంజ్ ప్రతినిధి పూర్ణ, ఆలయ అర్చకుడు భాస్కర్ తదితరులు పాల్గొన్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..