- సక్సెస్ షోటోకాన్ కరాటే 8వ రాష్ట్రస్థాయి పోటీలు
కరాటే విద్య ఆత్మరక్షణకు, క్రమశిక్షణకు దోహదపడుతుందని నీలం మధు ముదిరాజ్ అన్నారు. ఆదివారం సంగారెడ్డి నియోజకవర్గం కంది మండలం ఏడుమైలారం గ్రామంలో 8వ రాష్ట్ర స్థాయి సక్సెస్ షోటోకాన్ కరాటే పోటీలను సంగారెడ్డి జిల్లా కాంగ్రెస్ పార్టీ అధ్యక్షురాలు, టీజీఐఐసీ చైర్మన్ నిర్మల జగ్గారెడ్డి ప్రారంభించారు.
నిర్మలా జగ్గారెడ్డి, నీలం మధు మాట్లాడుతూ…. మార్షల్ ఆర్ట్ గా ప్రాచుర్యం పొందిన కరాటే వ్యక్తిగత ఆత్మరక్షణతో పాటు వ్యాయామంగా కూడా ఉపయోగపడుతుందన్నారు. మహిళలు తమ రక్షణ కోసం కరాటే ను నేర్చుకోవాలని వారు సూచించారు.
కరాటే శిక్షణ అందిస్తూ ఎంతోమంది కరాటే సాధకులను తయారు చేస్తున్న సక్సెస్ షోటోకాన్ కరాటే నిర్వాహకులను నీలం అభినందించారు. భవిష్యత్తులో కరాటే యోధులకు పూర్తిస్థాయిలో తన సహాయ సహకారాలు అందిస్తానని నీలం స్పష్టం చేశారు.
ఈ కార్యక్రమంలో సిడిసి చైర్మన్ గడిల రాంరెడ్డి, కాంగ్రెస్ సీనియర్ నాయకులు పులిమామిడి రాజు, తలారి ఈశ్వర్, మాజీ సర్పంచ్ మల్లారెడ్డి, మోకిలా వెంకటేష్, రాజు గౌడ్, బాలు, సతీష్, పాండు, గోపాల్ త‌దితరులు పాల్గొన్నారు.