సీపీఎం తెలంగాణ రాష్ట్ర కార్యదర్శిగా జాన్ వెస్లీ ఎన్నికయ్యారు. 70 ఏళ్లకు పైబడిన నేతలకు పార్టీ రాష్ట్ర కార్యవర్గం నుంచి తప్పించారు. దీంతో గత మూడు సార్లు పార్టీ రాష్ట్ర కార్యదర్శిగా ఏకగ్రీవంగా ఎన్నికైన తమ్మినేని వీరభద్రం.. కార్యదర్శి రేసు నుంచి తప్పుకోవాల్సి వచ్చింది.
రాష్ట్ర కమిటీ నుంచి తమ్మినేని వీరభద్రంతో పాటు మాజీ ఎమ్మెల్సీ సీతారాములు, నర్సింగరావు కూడా తప్పుకోవాల్సి వచ్చింది. దీంతో సభలో నూతన కార్యదర్శి ఎన్నిక జరగ్గా తెలంగాణ రాష్ట్ర కార్యదర్శిగా జాన్ వెస్లీ ఎన్నికయ్యారు. కాగా, పార్టీ చరిత్రలో రాష్ట్రంలో దళిత నేతను కార్యదర్శిగా నియమించడం ఇది తొలిసారి.