బుల్లితెర మ‌హారాణి, స్టార్ యాంకర్ సుమ గురించి తెలుగు వారికి ప్ర‌త్యేకంగా ప‌రిచ‌యం అవ‌స‌రం లేదు. ఆమె చ‌లాకీత‌నం..మాట‌ల‌తో ఆక‌ట్టుకునే గుణం ఆమె సొంతం. ఎవ‌రినీ నొప్పింప‌క..తానొవ్వ‌క అనే రీతిలో ఉంటుంది. కాగా సుమ వెండితెర‌పై మెర‌వ‌నుంది. ఈ మేర‌కు ఆమె న‌టించ‌నున్న చిత్రంలోని ఫస్ట్ లుక్ ని రిలీజ్ చేశారు. యాంకర్ గానే కాకుండా… సినిమాల్లోనూ భిన్న పాత్రలు చేసే సత్తా ఉన్న నటి. అయితే.. ప్రస్తుతం విజయ దర్శకత్వంలో సుమ ఓ సినిమా చేస్తోంది. వెన్నెల క్రియేషన్స్ బ్యాన్‌ర్‌ పై ప్రొడక్షన్‌ నెం. 2 గా తెరకెక్కుతున్న ఈ సినిమా కు కీరవాణి సంగీతం అందిస్తున్నారు.
తాజాగా ఈసినిమా టైటిల్‌.. ఫస్ట్ లుక్ పోస్టర్‌ ను మెగా పవర్‌ స్టార్ రామ్‌ చరణ్‌ రిలీజ్ చేశారు. ఈ సినిమా కు ” జయమ్మ పంచాయితీ ” అనే టైటిల్‌ ను ఖరారు చేశారు. టైటిల్‌ తో పాటు ఫస్ట్ లుక్ కూడా చాలా వెరైటీ గా ఉంది. విభిన్న అంశాలతో కూడిన పోస్టర్‌ లో గ్రామీణ వాతావరణాన్ని ఆవిష్కరించారు. పోస్టర్‌ ను బట్టి చూస్తే… సినిమాలో సుమ ఓ పల్లెటూరి పెద్ద పాత్రను పోషించినట్లు తెలుస్తోంది. ఫస్ట్ లుక్ పోస్టర్‌ సినిమా పై మంచి ఇంప్రెషన్‌ తెచ్చుకుంది. ఇక ” జయమ్మ పంచాయితీ ” సుమ‌కి ఏ మేర‌కు విజ‌యాన్ని అందిస్తుందో చూడాలి.