టీ20 ప్రపంచకప్‌లో భాగంగా నేటి మ్యాచ్‌లో పాకిస్థాన్, ఐర్లాండ్ జట్లు తలపడుతున్నాయి. కాగా, ఈ మ్యాచ్‌లో తొలుత టాస్ ఓడి బ్యాటింగ్‌కు దిగిన ఐర్లాండ్ నిర్ణీత 20 ఓవర్లలో 9 వికెట్ల నష్టానికి 106 పరుగులు చేసింది. ఐర్లాండ్ బ్యాట్స్‌మెన్‌లలో గారెత్ డెలానీ (31) పరుగులతో టాప్ స్కోరర్‌గా నిలిచాడు. ఆకర్లో జాషువా లిటిల్ (22 నాటౌట్) పోరాడాడు.
ఇక, పాకిస్థాన్ బౌలర్లలో షాహీన్ అఫ్రిది, ఇమాద్ వాసిమ్ మూడు వికెట్లు తీశారు. మహ్మద్ అమీర్ రెండు వికెట్లు, హరీస్ రవూఫ్ ఒక వికెట్ తీశారు. దీంతో ఈ మ్యాచ్‌లో 107 పరుగుల టార్గెట్‌తో పాకిస్థాన్ జట్టు చేజింగ్‌కు దిగనుంది.