ఇంటర్​ విద్యార్థిని ఆత్మహత్య.. విచారణ చేపట్టిన పోలీసులు

ఇంటర్​మీడియట్​ చదువుతున్న ఓ 19ఏళ్ల యువతి గదిలో సూసైడ్​ చేసుకున్న ఘటన గోవాలో చోటుచేసుకుంది. సౌత్​ గోవాలోని కర్చోరేమ్​ కకోరా ప్రాంతంలో ఈ ఇన్సిడెంట్​ జరిగినట్టు పోలీసులు తెలిపారు. ఆ యువతి క్యూపెం గవర్నమెంట్​ కాలేజీలో ఇంటర్​ ఫస్టియర్​ కామర్స్​ చదువుతోంది. ఎవరూ లేని టైమ్​లో ఇంట్లోని సీలింగ్​ ఫ్యాన్​కు ఉరేసుకుందని, మృతురాలి పేరు కవితాదేవిగా పోలీసులు గుర్తించారు.

ఖానాపూర్​ గ్రామానికి చెందిన కవితా ఫ్యామిలీ సౌత్​ గోవా పరిధిలోని కర్చోరెమ్​ కకోరా ఏరియాలో ఓ గదిలో రెంట్​కు ఉంటోంది. కాగా, ఆమె ఆత్మహత్యకు గల కారణాలు తెలియరాలేదని, దీనిపై కేసు నమోదు చేసి దర్యాప్తు చేస్తున్నట్టు కర్చోరేమ్​ పోలీసులు తెలిపారు.