ఏపీలో ఇంటర్ పరీక్షల నిర్వహణకు సర్కారు సిద్ధమవుతోంది. దేశంలో అలాగే రాష్ట్రంలో కరోనా తగ్గుముఖం పడుతున్న నేపథ్యంలో ఇంటర్ పరీక్షల నిర్వాహణకు గురువారం సాయంత్రం సీఎం జగన్ సమీక్ష నిర్వహించనున్నారు . కరోనా కేసుల సంఖ్య తగ్గుముఖం పట్టిందని ఈ నేపథ్యంలోనే జులై ఫస్ట్ వీక్ లో ఇంటర్ పరీక్షలు జూలై చివరి వారంలో పదోతరగతి పరీక్షలు ఉండే అవకాశం ఉందని విద్యాశాఖ మంత్రి సురేష్ ప్రకటించారు.
సీఎం జగన్ తో భేటీ తర్వాత తుది నిర్ణయం తీసుకుంటామని క్లారిటీ ఇచ్చారు . అయితే ఇప్పటికే చాలా రాష్ట్రాల్లో కరోనా కారణంగా పరీక్షలు రద్దు చేయగా ఏపీలో మాత్రం కరోనా పరిస్థితులు చక్కబడ్డాక పెడతామని రద్దు చేసే ప్రసక్తే లేదని స్పష్టం చేసిన సంగతి తెలిసిందే.