ఒలింపిక్స్‌లో పతకం గెలిస్తే జీవితమే మారిపోతుంది అనడానికి టోక్యో ఒలింపిక్స్‌లో మెడల్ గెలిచిన మీరాబాయి ఛానూనే ఉదాహరణ. భారత్‌కు వెండి పతకం సాధించిపెట్టిన వెయిట్ లిఫ్టర్ మీరాబాయి ఛానూపై బహుమతుల వర్షం కురుస్తూనే ఉంది. తాజాగా ఓ మల్టీప్లెక్స్ సంస్థ మీరాబాయికి జీవిత‌కాలం ఫ్రీగా సినిమా టికెట్లు ఇస్తామని ప్ర‌క‌టించింది. ఆమె ఎన్ని సినిమాలు చూసినా అన్నీ ఉచితంగా ఇస్తామని ఐనాక్స్ మల్టీప్లెక్స్ సంస్థ చెప్పింది.
అయితే కేవలం మీరాబాయికే కాదు.. ఈ ఒలింపిక్స్‌లో మెడ‌ల్‌తో ఇంటికి వ‌చ్చే ప్ర‌తి భార‌త అథ్లెట్‌కు ఇదే ఆఫర్ వ‌ర్తిస్తుంద‌ని ఐనాక్స్ స్ప‌ష్టం చేసింది. దేశంలో ఐనాక్స్‌కు మొత్తం 648 మ‌ల్టీప్లెక్స్‌లు ఉన్నాయి. ఈ విష‌యాన్ని ఐనాక్స్ త‌న ట్విట‌ర్‌ ద్వారా తెలిపింది. ఇప్పటికే మీరాబాయికి డోమినోస్ పిజ్జా సంస్థ లైఫ్ టైమ్ పిజ్జాలు ఉచితంగా ఇస్తామని ప్రకటించగా.. మరోవైపు రైల్వే శాఖ రూ.2 కోట్లు, మ‌ణిపూర్ ప్ర‌భుత్వం రూ.కోటి క్యాష్ ప్రైజ్‌లు ప్ర‌క‌టించాయి.
ఈ వార్త కూడా చదవండి: రెండో టీ20లో భారత్‌పై శ్రీలంక విజయం.. సిరీస్ సమం