AP | దేదీప్య కాంతుల నడుమ ఇంద్రగిరులు..

ప్రభ న్యూస్, (ఎన్టీఆర్ బ్యూరో) : కళ్ళు మిరుమిట్లు గొలిపే దేదీప్య కాంతుల నడుమ ఇంద్రగిరులు తేజోమయంగా ప్రకాశిస్తున్నాయి. అబ్బురపరిచే విధంగా ఏర్పాటు చేసిన విద్యుత్ దీపాల ధగ ధగ ల్లో అమ్మవారి ఆలయానికి నూతన శోభ సంతరించుకుంది. భవాని దీక్షల విరమణ పర్వం ప్రారంభమవుతున్న సందర్భంలో సరికొత్త విద్యుత్ కాంతులతో ఇంద్రకీలాద్రి ముస్తాబయింది.

అందరిని ఆకట్టుకునే విధంగా అమ్మవారి దేదీప్య రూపం ప్రకాశిస్తూ ఉంది. ఐదు రోజులపాటు అత్యంత అట్టహాసంగా నిర్వహించే భవాని దీక్షల విరమణ సందర్భంగా అమ్మవారి ఆలయంతో పాటు మహా మండపం, ఘాట్ రోడ్డు, టోల్ గేట్, దుర్గా ఘాట్, కనకదుర్గ నగర్ వంటి పరిసరాలను విద్యుత్ దీపాలతో సర్వాంగ సుందరంగా అలంకరించారు. ఆధ్యాత్మికత ఉట్టిపడేలా ఏర్పాటుచేసిన విద్యుత్ దీపాలంకరణలు ప్రత్యేక ఆకర్షణగా నిలిచాయి.