శ్రీలంక ప‌ర్య‌ట‌న‌లో ఉన్న టీమిండియా టీ20 సిరీస్ ను కైవ‌సం చేసుకుంది. ఈరోజు పల్లెకెలె స్టేడియం వేదికగా జరిగిన రెండో టీ20 మ్యాచ్‌లో డీఎస్ పద్ధతిలో భారత జట్టు విజయం సాధించింది. దీంతో మరో మ్యాచ్ మిగిలి ఉండగానే 2-0తో సిరస్‌ సొంతం చేసుకుంది.
162 పరుగుల లక్ష్యంతో బరిలోకి దిగిన టీమిండియాకు వరుణుడు అడ్డుపడ్డాడు. భారత జట్టు ఇన్నింగ్స్‌లో తొలి ఓవర్‌లోనే వర్షం మొదలైంది. దీంతో ఇన్నింగ్స్‌ను కుదించాలని అంపైర్లు నిర్ణయించారు. దాంతో భారత జట్టు 8 ఓవర్లలో 78 పరుగుల లక్ష్యాన్ని సాధించాల్సి ఉండగా, యశస్వి జైస్వాల్ (30), సూర్యకుమార్ యాదవ్ (26), హార్దిక్ పాండ్యా (22) మెరుపు బ్యాటింగ్‌తో 6.3 ఓవర్లలోనే లక్ష్యాన్ని చేరుకుని మ్యాచ్‌ను ముగించారు.