భారత్-దక్షిణాఫ్రికా జట్ల మధ్య ఆఖ‌రి నిర్ణయాత్మక టీ20 మ్యాచ్ ప్రారంభమైంది. సౌతాఫ్రికాలోని జోహన్నెస్‌బర్గ్ వాండరర్స్ స్టేడియం వేదికగా జరుగుతున్న ఈ మ్యాచ్‌లో టాస్ వేశారు. కాగా, ఈ సిరీస్‌లో తొలిసారి టాస్ గెలిచిన టీమిండియా కెప్టెన్ సూర్య కుమార్ బ్యాటింగ్ ఎంచుకున్నాడు.
కాగా, ఈ నాలుగు మ్యాచ్‌ల టీ20 సిరీస్‌లో భాగంగా ఇప్పటివరకు జరిగిన మూడు మ్యాచ్‌ల్లో టీమ్ ఇండియా రెండు మ్యాచ్‌లు గెలిచి సిరీస్‌లో 2-1తో ఆధిక్యంలో ఉంది. అయితే ఈరోజు జరిగే నిర్ణయాత్మక మ్యాచ్ లో గెలిచి సిరీస్ ను కైవసం చేసుకోవాలనే లక్ష్యంతో సూర్య సేన బరిలోకి దిగనుంది. మరోవైపు సౌతాఫ్రికా సొంతగడ్డపై తన పరువు కాపాడుకోవాలని చూస్తోంది.
తుది జట్టు వివరాలు :
భారత్ : అభిషేక్ శర్మ, సంజు శాంసన్ (వికెట్ కీప‌ర్), సూర్యకుమార్ యాదవ్ (కెప్టెన్), తిలక్ వర్మ, హార్దిక్ పాండ్యా, రింకు సింగ్, అక్షర్ పటేల్, రమణదీప్ సింగ్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్
దక్షిణాఫ్రికా : ర్యాన్ రికెల్టన్, రీజా హెండ్రిక్స్, ఐడెన్ మార్క్‌రామ్ (కెప్టెన్), ట్రిస్టన్ స్టబ్స్, హెన్రిచ్ క్లాసెన్ (వికెట్ కీప‌ర్), డేవిడ్ మిల్లర్, మార్కో జాన్సెన్, గెరాల్డ్ కోయెట్జీ, ఆండిలే సిమెలనే, కేశవ్ మహరాజ్, లూథో సిపమ్లా