థమ్స్ అప్ బాటిల్ లో పాము పిల్ల అందరినీ అవాక్ కు గురిచేసింది. ధమ్స్అప్ బాటిల్లో లో పాము ఏంటి అనుకుంటున్నారా? తూర్పుగోదావరి జిల్లా అమలాపురం రూరల్ మండలం పేరురూలో ఒక బేకరీలో కూల్ డ్రింక్ బాటిల్ లో పాము కలకలం రేపింది. మూడురోజుల క్రితం కూల్ డ్రింక్ ఏజెన్సీ నుండి తెచ్చిన స్టాక్ లో ఉన్న సీసాలను తీసి ఫ్రీజ్ లో పెడుతుండగా ఒక ధమ్స్అప్ బాటిల్ లో చిన్న సైజ్ పాము పిల్ల కనిపించటం తో షాపు యజమాని షాక్ అయ్యాడు.
వెంటనే అమలాపురంలో ఉన్న డీలర్ కు చెప్పి. స్టాక్ ను తిరిగి వెనక్కి పంపించాడు.అయితే వేసవి కాలం కావడంతో శీతల పానీయాలు ఎక్కువగా జనాలు తీసుకుంటారు. పొరపాటున ఎవరైనా అది తీసుకుని ఉంటే ఎలాంటి ప్రమాదం జరిగేదో అని స్థానికులు మండిపడుతున్నారు. సంస్థ పై చర్యలు తీసుకోవాలని డిమాండ్ చేస్తున్నారు.