న‌డ‌వ లేని స్థితిలో భర్త
ఓ వైపు విష‌మిస్తున్న ఆరోగ్యం
వీపుపై భర్తను మోస్తూ హాస్పిట‌ల్ కు
భార్య సేవ‌కు అభినంద‌న‌ల ప‌రంప‌రం
హాస్పిట‌ల్ లో నిర్వాహ‌కానికి నోటీసులు
బోఫాల్ – మధ్య ప్ర‌దేశ్ – భార్యాభర్తల మధ్య సాంగత్యం, ప్రేమ చనిపోయినంత వరకు ఉంటాయని అంటారు. ఈ కర్తవ్యాన్ని నిర్వర్తిస్తూ మధ్యప్రదేశ్‌లోని భింద్ జిల్లాలో హృదయాన్ని హత్తుకునే చిత్రం ఒకటి వెలుగులోకి వచ్చింది. మహిళ భర్త కాలికి గాయమై నడవలేని స్థితిలో ఉన్నాడు. తన భర్త చికిత్స కోసం మహిళ భర్తను వీపు మీద మోసుకుని ఆసుపత్రి లోపలికి వెళ్లింది. ఆసుపత్రిలో ఉన్న ఓ వ్యక్తి ఈ అరుదైన దృశ్యాన్ని రికార్డు చేశాడు. ఈ వీడియో సోషల్ మీడియాలో వైరల్ అవుతోంది. ప్రజలు ఆ మహిళ ధైర్యాన్ని కొనియాడుతున్నారు.
కాగా, దేశంలోనే నంబర్ వన్ స్థానంలో నిలిచిన భింద్ జిల్లా ఆస్పత్రిలో తగినంత స్ట్రెచర్లు, అంబులెన్స్, ఇతర అవసరమైన సౌకర్యాలు ఉన్నప్పటికీ, మహిళ తన భర్తను తన వీపుపై మోసుకెళ్లవలసి వచ్చింది. ఈ విషయం తెలుసుకున్న ఆసుపత్రి యాజమాన్యం వెంటనే ఇన్‌ఛార్జ్ సివిల్ సర్జన్ డాక్టర్ జెఎస్ యాదవ్ ద్వారా ఆసుపత్రి మేనేజర్ సాకేత్ చౌరాసియాకు నోటీసులు జారీ చేశారు. జిల్లా దవాఖానలో సరిపడా స్ట్రెచర్లు, వీల్ చైర్లు అందుబాటులో ఉన్నాయని చెబుతున్నారు. అయిన‌ప్ప‌టికీ చికిత్స కోసం మోసుకెళ్లాల్సిన ప‌రిస్థితులో అక్క‌డ క‌నిపిస్తున్నాయి..