నిజామాబాద్ జిల్లా ప్రతినిధి, (ప్రభ న్యూస్) : నిజామాబాద్ జిల్లా కేంద్రంలో మంగళవారం విజయ సంకల్ప యాత్ర సాగింది. భీంగల్ లోని బడా భీంగల్ చౌరస్తాలో నిర్వహించిన విజయ సంకల్ప యాత్రకు డి.కే. అరుణ, ఎంపీ ధర్మపురి అరవింద్, నిజామాబాద్ అర్బన్ ఎమ్మెల్యే ధన్పాల్ సూర్యనారాయణ, బిజెపి జిల్లా అధ్యక్షులు దినేష్ కులాచారి ముఖ్యఅతిథిగా హాజరయ్యారు.
ఈ సందర్భంగా డీకే అరుణ మాట్లాడుతూ.. కాంగ్రెస్ పార్టీ 6 గ్యారెంటీలు అమలు కావాలంటే కేంద్రంలో రాహుల్ ప్రధాని కావాలని రాష్ట్ర ముఖ్య మంత్రి చెప్పే మాటలు చూస్తుంటే ఆరు గ్యారంటీలు అమలు అటకెక్కినట్లేనని భారతీయ జనతా పార్టీ జాతీయ ఉపాధ్యక్షురాలు డికే అరుణ ఎద్దేవా చేశారు. కాంగ్రెస్ కు ఓటు వేసి మోస పోవద్దన్నారు. కాంగ్రెస్ ప్రజలకు ఇచ్చిన మాట నెరవేర్చే వరకు బీజేపీ పోరాటం చేస్తుందని తెలిపారు. ఔరేక్ బార్ మోడీ సర్కార్ పక్కా అని ధీమా వ్యక్తం చేశారు.
ఔర్ ఎక్ బార్ మోడీ సర్కార్.. ఎంపీ ధర్మపురి అరవింద్
రాష్ట్రంలో 10 నుంచి 12 సీట్లు గెలుస్తామని, ఔరే ఏక్ బార్ మోడీ సర్కార్ పక్కా అని ఎంపీ ధర్మపురి అరవింద్ ధీమా వ్యక్తం చేశారు. నరేంద్ర మోడీకి శ్రీరాముని ఆశీర్వాదం ఉందని, 500 ఏళ్ల కల నెరవేర్చిన మోడీ మూడోసారి ప్రధానమంత్రి అవుతారని అన్నారు. మైనార్టీల కోసం కూడా బిజెపి ప్రభుత్వం ఎంతో చేస్తుందని అన్నారు.