ఐసీసీ తాజాగా టీ20 ర్యాంకింగ్స్‌ను విడుదల చేసింది. ఈ టీ20 ర్యాంకింగ్స్‌లో భారత జట్టు అగ్ర స్థానంలో నిలిచింది. ఇక బ్యాటింగ్ ర్యాంకింగ్స్‌లో పొట్టి క్రికెటర్ సంచ‌ల‌నం సూర్యకుమార్ యాదవ్ 837 పాయింట్లతో మరోసారి నంబర్ 1గా నిలిచాడు. 700 పాయింట్లతో యశస్వి జైస్వాల్ ఆరో స్థానం సంపాదించాడు.
బౌలింగ్ ర్యాంకింగ్స్ లో భారత స్పిన్న‌ర్లు..
బౌలింగ్ ర్యాంకింగ్స్‌లో ఇంగ్లండ్ స్పిన్న‌ర్ ఆదిల్ ర‌షీద్ నంబర్ 1 స్థానం కైవసం చేసుకోగా.. భారత్ ఆల్‌రౌండ‌ర్ అక్ష‌ర్ ప‌టేల్ 7వ స్థానంతో, లెగ్ స్పిన్న‌ర్ ర‌వి బిష్ణోయ్‌లు 10వ స్థానంలో నిలిచారు. ఆల్ రౌండర్ల ర్యాంకింగ్స్‌లో ఆఫ్ఘనిస్థాన్ మాజీ కెప్టెన్ మహ్మద్ నబీ నంబర్ 1గా నిల‌వ‌గా.. భారత వైస్ కెప్టెన్ హార్దిక్ పాండ్యా 8వ స్థానంలో నిలిచాడు.
