కాంగ్రెస్ పార్టీలో చేరడం వెనుక రాజకీయంగా ఏమి కూడా ఆశించడం లేదని బీఆర్ఎస్ ఎమ్మెల్యే పోచారం శ్రీనివాసరెడ్డి తెలిపారు. శుక్రవారం తన ఇంటికి వచ్చిన సీఎం రేవంత్, మంత్రి పొంగులేటి శ్రీనివాస్లు కాంగ్రెస్ లోకి ఆహ్వానించగా ఆయన పార్టీలో చేరారు. అనంతరం విలేకరులతో మాట్లాడారు. తన రాజకీయ ప్రస్థానం మొదలైంది కాంగ్రెస్తోనేనని చెప్పారు. తర్వాత టీడీపీ, బీఆర్ఎస్లలో పని చేశానని చెప్పారు. మళ్లీ ఇన్నాళ్లకు ఇదే పార్టీలో చేరానన్నారు. రాష్ట్రంలో ఆరునెలలుగా కాంగ్రెస్ పార్టీ అద్భుతంగా పాలన చేస్తుందన్నారు. ప్రభుత్వం చిత్తశుద్ధితో పనిచేస్తుందన్నారు. సర్కారు అమలు చేస్తున్న విధానాలు బాగున్నాయని కితాబునిచ్చారు.
- Advertisement -