హీరో నిఖిల్‌కు హైదరాబాద్ పోలీసుల జరిమానా

కరోనా వైరస్ కట్టడికి హైదరాబాద్ పోలీసులు కఠిన నిబంధనలు అమలు చేస్తున్నారు. ఈ నేపథ్యంలో లాక్ డౌన్ నిబంధనలు ఉల్లంఘించాడంటూ హీరో నిఖిల్‌కు హైదరాబాద్ ట్రాఫిక్ పోలీసులు జరిమానా విధించారు. నిఖిల్ కారు నంబరు ప్లేటు నిబంధనల ప్రకారం లేదని మరో ఛలానా కూడా పంపారు. అయితే నిబంధనల ఉల్లంఘన సమయంలో నటుడు నిఖిల్ కారులో లేడని పోలీసులు ధ్రువీకరించారు. కాగా తెలంగాణ రాష్ట్రంలో ప్రస్తుతం లాక్‌డౌన్ అమల్లో ఉంది. కరోనా వైరస్ కేసులకు కట్టడి వేసేందుకు విధించిన లాక్‌డౌన్‌ను ప్రభుత్వం ఇప్పటి వరకు రెండుసార్లు పొడిగించింది. తాజాగా విధించిన లాక్‌డౌన్ నిబంధనలు ఈ నెల 9 వరకు అమల్లో ఉండనున్నాయి.