కొరటాల శివ దర్శకత్వంలో ఎన్టీఆర్ చేస్తున్న లేటెస్ట్ మూవీ #NTR30. ఇటీవల హైదరాబాద్‌లో జరిగిన లాంచ్ వేడుకకు పలువురు ప్రముఖులు హాజరయ్యారు. జనతా గ్యారేజ్ వంటి సక్సెస్ ఫుల్ మూవీ తరువాత నటుడు ఎన్టీఆర్ దర్శకుడు కొరటాల శివ కలిసి చేస్తున్న రెండవ సినిమా ఇది.
అయితే ఈ సినిమా కోసం హాలీవుడ్ స్టంట్ కొరియోగ్రాఫర్ కెన్నీ బేట్స్ వర్క్ చేయనున్నట్టు మేకర్స్ ప్రకటించారు. ఆయన చేసిన హాలీవుడ్ ప్రాజెక్ట్‌లలో కొన్ని మిషన్ ఇంపాజిబుల్: ఘోస్ట్ ప్రోటోకాల్, ట్రాన్స్‌ఫార్మర్స్: ది లాస్ట్ నైట్, ప్రిడేటర్ & పెర్ల్ హార్బర్ వంటి అద్బుతమైన సినిమాలు ఉన్నాయి. ఈ స్టంట్ మాస్టర్ ప్రభాస్ నటించిన సాహో సినిమాకి కూడా పనిచేశాడు. ప్రస్తుతం కాన్సెప్టులైజేషన్ దశలో ఉన్న ఎన్టీఆర్ 30కి సంబంధించిన మేజర్ యాక్షన్ సీక్వెన్స్‌లకు ఆయనే కొరియోగ్రఫీ చేస్తారని అంటున్నారు.
తారక్ ఫ్యాన్స్‌కి ఇది కచ్చితంగా శుభవార్తే. భారతదేశం మరచిపోయిన తీర ప్రాంతాల నేపథ్యంలో తెరకెక్కుతున్న ఈ సినిమాలో ఎన్టీఆర్‌కి జోడీగా జాన్వీ కపూర్ నటిస్తోంది. ఎన్టీఆర్ ఆర్ట్స్‌తో పాటు యువసుధ ఆర్ట్స్ ఈ మూవీని నిర్మిస్తున్నాయి. అనిరుధ్ రవిచందర్ సంగీతాన్ని సమకూర్చేందుకు ఎంపికయ్యారు.