త‌మిళ స్టార్ హీరో అజిత్ కి బైక్ రైడ్ అంటే ఎంత ఇష్ట‌మో షూటింగ్ అంటే కూడా అంతే ఇష్ట‌మ‌ట. వివ‌రాల్లోకి వెళ్తే..ప్ర‌స్తుతం తిరుచ్చిలో 47 త‌మిళ‌నాడు రాష్ట్ర షూటింగ్ ఛాంపియ‌న్ షిప్ పోటీలు జ‌రుగుతున్నాయి. ఈ పోటీల‌కు త‌మిళ స్ట‌ర్ హీరో అజిత్, అత‌డి టీం కూడా పాల్గోంది. కాగా ఈ పోటీల్లో అజిత్ టీం నాలుగు బంగారు, రెండు కాంస్య ప‌త‌కాల‌ను గెలుచుకుంది. గ‌తేడాది కూడా అజిత్ చెన్నైలో జ‌రిగిన షూటింగ్ ఛాంపియ‌న్ షిప్‌లో 6 బంగారు ప‌త‌కాల‌ను గెలుచుకున్నాడు. ఇలా 50 ఏళ్ళ వ‌య‌సులోనూ అజిత్ క్రీడ‌ల్లో ప‌త‌కాలు సాధించ‌డంతో త‌మ హీరోను ప్ర‌శంసిస్తూ అభిమానులు సోష‌ల్ మీడియాలో పోస్టులు చేస్తున్నారు. ప‌లువురు సినీ ప్ర‌ముఖులు అజిత్‌ను పొగ‌డ్త‌ల‌తో ముంచెస్తున్నారు.
