టాలీవుడ్ హీరో అడివి శేష్ అనారోగ్యంతో బాధపడుతున్నాడు. కొన్నిరోజుల కింద అడివి శేష్ కు జ్వరం రాగా, వైద్య పరీక్షల్లో డెంగీ అని తేలింది. గత వారం ప్లేట్ లెట్ల సంఖ్య బాగా పడిపోయినట్టు గుర్తించారు. దాంతో ఈ నెల 18న ఆయనను హైదరాబాదులోని ఓ ప్రైవేటు ఆసుపత్రికి తరలించారు.
నిపుణులైన డాక్టర్ల బృందం అడివి శేష్ ఆరోగ్య పరిస్థితిని నిశితంగా పర్యవేక్షిస్తోంది. అడివి శేష్ ప్రస్తుతం గూఢచారి-2, హిట్-2 ప్రాజెక్టులతో బిజీగా ఉన్నాడు. గతంలో హిట్టయిన గూఢచారి, హిట్ సినిమాలకు సీక్వెల్స్ తెరకెక్కుతుండగా ఆ రెండు చిత్రాల్లో అడివి శేష్ ప్రధాన పాత్రల్లో నటిస్తున్నాడు.