Hamoon | తీవ్రతుఫానుగా హమూన్.. 7 రాష్ట్రాల్లో హై అలర్ట్!

వాయువ్య (Northwest) బంగాళాఖాతంలో ఏర్పడిన ‘హమూన్’ తీవ్ర తుపానుగా మారినట్లు భారత వాతావరణ శాఖ వెల్లడించింది. ఇది రేపు (బుధవారం) మధ్యాహ్నం వ‌ర‌కు ఉత్తర ఈశాన్య దిశగా పయనించి బంగ్లాదేశ్‌లోని ఖేపుపరా-చిట్టగాంగ్ మధ్య తీరం దాటే అవకాశం ఉందని వాతావ‌ర‌ణ శాఖ‌ తెలిపింది. ఒడిశా, పశ్చిమ బెంగాల్, మణిపూర్, త్రిపుర, అస్సాం, మేఘాలయ రాష్ట్రాలకు హెచ్చరికలు జారీ చేసింది. సముద్రం అల్లకల్లోలంగా ఉందని, మత్స్యకారులు చేపల వేటకు వెళ్లవద్దని హెచ్చరిక‌లు జారీ చేసింది.