హైదరాబాద్‌, ఆంధ్రప్రభ: గ్రూప్‌-3 పరీక్ష సిలబస్‌ను తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్‌సీ) తాజాగా ప్రకటించింది. ఈమేరకు సిలబస్‌ను విడుదల చేసింది. గతేడాది డిసెంబర్‌లో గ్రూప్‌-3 నోటిఫికేషన్‌ విడుదల కాగా తాజాగా నోటిఫికేషన్‌ పూర్తి వివరాలతోపాటు సిలబస్‌ను కూడా వెబ్‌సైట్‌లో టీఎస్‌పీఎస్‌సీ అందుబాటులో ఉంచింది.
ఈ పరీక్షకు మొత్తం 3 పేపర్లు ఉండగా పేపర్‌-1లో జనరల్‌ స్టడీస్‌ అండ్‌ జనరల్‌ ఎబిలిటీస్‌, పేపర్‌-2లో హిస్టరీ, పాలిటిక్స్‌ అండ్‌ సొసైటీ. పేపర్‌-3లో ఎకానమీ అండ్‌ డెవలప్‌మెంట్‌ సిలబస్‌ ఉంది. ఈ 3 పేపర్లకు 450 మార్కులు ఉండనున్నాయి. 26 వివిధ ప్రభుత్వ విభాగాల్లోని మొత్తం 1363 ఖాళీలకు గ్రూప్‌-3 నోటిఫికేషన్‌ను జారీ చేసి భర్తీ చేయబోతున్నారు. ఈనెల 24 నుంచి ఆన్‌లైన్‌ దరఖాస్తుల ప్రక్రియ ప్రారంభంకాగా తుదిగడువు ఫిబ్రవరి 23వ తేదీ వరకు ఉంది.
- Advertisement -