- 22 వరకు అభ్యంతరాల స్వీకరణ
తెలంగాణ గ్రూప్-2 ప్రైమరీ కీ రేపు విడుదల చేయనున్నట్లు టీజీపీఎస్సీ తెలిపింది. ఈ నెల 18 నుంచి 22వ తేదీ సాయంత్రం 5 గంటల వరకు అభ్యర్థుల లాగిన్‌లో ప్రాథమిక కీలక అభ్యంతరాలను స్వీకరించనున్నారు.
అభ్యర్థులు తమ అభ్యంతరాలను ఆన్‌లైన్‌లో తెలియజేయాలని, అభ్యర్థులు లేవనెత్తిన అంశాలకు సంబంధించిన ఆధారాల కాపీలను ఆన్‌లైన్‌లో సమర్పించాలని కమిషన్ సూచించింది. ఈ మెయిల్, వ్యక్తిగతంగా ఇచ్చే అభ్యంతరాలను ఎట్టిపరిస్థితుల్లో అనుమతించబోమని కమిషన్ స్పష్టం చేసింది.
కాగా, రాష్ట్రంలో 783 గ్రూప్-2 పోస్టుల భర్తీకి టిజిపిఎస్‌సి పరీక్షలు నిర్వహించింది. గతేడాది డిసెంబర్ 15, 16 తేదీల్లో గ్రూప్-2 రాత పరీక్ష నిర్వహించిన సంగతి తెలిసిందే. రాష్ట్రవ్యాప్తంగా 1368 కేంద్రాల్లో ఈ పరీక్షలు నిర్వహించారు. మొత్తం నాలుగు పేపర్లకు నిర్వహించిన ఈ పరీక్షలకు 5,51,943 మంది అభ్యర్థులు దరఖాస్తు చేసుకోగా, 2,55,468 మంది మాత్రమే పరీక్షకు హాజరయ్యారు.