రాష్ట్రంలో గ్రూప్‌-2 పోస్టుల భర్తీకి నిర్వహించిన రాత పరీక్షల ప్రాథమిక ‘కీ’ని టీజీపీఎస్సీ విడుదల చేసింది. ప్రిలిమినరీ ‘కీ’తో పాటు మాస్టర్‌ ప్రశపత్రాన్ని ఈ నె 22 వరకు టీజీపీఎస్సీ వెబ్‌సైట్‌లో అందుబాటులో ఉంటుందని సర్వీస్‌ కమిషన్‌ కార్యదర్శి ఇ.నవీన్‌ నికోలస్‌ తెలిపారు. అభ్యర్థులు డౌన్‌లోడ్‌ చేసుకోవాలని సూచించారు.
ఏమైనా అభ్యంతరాలు ఉంటే 18 నుంచి 22వ తేదీ సాయంత్రం 5 గంటల వరకు ఆన్‌లైన్‌లో నమోదు చేయాలని పేర్కొన్నారు. అభ్యంతరాలను ప్రత్యేకంగా పొందుపరిచి లింక్‌ ద్వారా ఇంగ్లీష్‌లో నమోదు చేసి, ఆధారాలను జత చేయాలన్నారు. ఇతర పద్ధతుల్లో ఇచ్చిన అభ్యంతరాలను, గడువు తేదీ ముగిసిన తర్వాత అందిన విజ్ఞప్తులను పరిగణించబోమని స్పష్టం చేశారు.