సోమాజిగూడ, (ప్రభన్యూస్): బోనాల ఉత్సవంలో భాగంగా గవర్నర్ తమిళిసై సౌంద‌ర‌రాజ‌న్‌ బోనం ఎత్తి అమ్మవారికి నైవేద్యం సమర్పించారు. బోనాల పండుగ‌కు ప్రభుత్వం నుండి పిలుపు రాకున్నప్పటికీ రాజ్ భవన్ ఆవరణలో ఘనంగా నిర్వ‌హించారు.. ఈ సందర్భంగా రాష్ట్ర ప్రజలకు బోనాల శుభాకాంక్షలు తెలిపారు. గవర్నర్ నివాసం నుంచి ఊరేగింపుగా అమ్మవారి ఆలయానికి వెళ్లే కార్యక్రమంలో అధికారులు, భక్తులు, అధిక సంఖ్యలో పాల్గొన్నారు. రాజ్ భవన్‌లో నివసించే కుటుంబాల వారు నిర్వహించిన కార్యక్రమం కోలాహలంగా సాగింది.
