స్మార్ట్ ఫోన్ రంగంలో గూగుల్ దూసుకుపోతుంది. త‌మ కంపెనీ నుంచి లాంచ్ చేసి గూగుల్ పిక్సెల్ సిరీస్ కు మార్కెట్ లో మంచి రెస్పాన్స్ వ‌స్తోంది. కాగా, పిక్సెల్ సిరీస్ లో ఇప్పటివరకు 7 జెన‌రేష‌న్స్ ఫోన్స్ లాంచ్ అవ్వ‌గా రీసెంట్ గా 8వ జెన‌రేష‌న్ అయిన గూగుల్ పొక్సెల్ 8 ఫోన్ రిలీజ్ డేట్ ని అధికారికంగా ప్రకటించింది గూగుల్. పిక్సెల్ 7 సిరీస్ కు కొనసాగింపుగా వస్తున్న ఈ ఫ్లాగ్ షిప్ స్మార్ట్ ఫోన్లను అక్టోబర్ 4న లాంఛ్ చేయనున్నట్లు వెల్ల‌డించింది.
ఇక ఎప్పటిలాగనే పిక్సెల్ 8, పిక్సెల్ 8 ప్రో మోడల్స్ ఈ సిరీస్ లో రానున్నాయి. వీటికి సంబంధించిన డిజైన్ కూడా ఇటీవలే లీక్ అయింది. ఇతర ఫీచర్లు, స్పెసిఫికేషన్లకు సంబంధించిన వివరాలపై కూడా సోషల్ మీడియాలో జోరుగా ప్రచారం జరుగుతోంది. న్యూయార్క్ లో అక్టోబర్ 4 న రాత్రి 10 గంటల సమయంలో లాంఛ్ కార్యక్రమం జరగనుంది.
పిక్సెల్ 8 సిరీస్ ఫోన్లు కేవలం రెండు రంగులు (బ్లాక్, వైట్) లోనే రానున్నట్లు తెలుస్తోంది. అయితే గూగుల్ పిక్సెల్ 8 సిరీస్ ఫోన్లు ‘‘ఆడియో మ్యాజిక్ ఏరేజర్’’ ఫీచర్ తో రానున్నట్లు తెలుస్తోంది. ఈ ఫీచర్ తో వస్తున్న తొలి, ఏకైక ఫోన్ ఇదేనని గూగుల్ తెలిపింది. ఆడియో మ్యాజిక్ ఏరేజర్ ఫీచర్ తో వీడియోల్లోని అన్ వాంటెడ్ ఆడియాను తొలిగించవచ్చు. ఇక గూగుల్ పిక్సెల్ 8 సిరీస్ మోడల్స్ లో ఆర్టిఫీషియల్ ఇంటెలిజెన్స్ ఆధారిత కెమెరా, గూగుల్ కెమెరా అప్లికేషన్ న్యూ ఇంటర్ ఫేస్ ఉండనున్నట్లు ప్రచారం జరుగుతోంది. అయితే ఇప్పటివరకు దీనిపై కంపెనీ నుంచి ఎలాంటి అధికారిక ప్రకటన లేదు.