చైనాలో జరుగుతున్న చైనా మాస్టర్స్ సూపర్ 750 బ్యాడ్మింటన్ టోర్నమెంట్‌లో భార‌త స్టార్ ష‌ట్ల‌ర్ హెచ్‌ఎస్ ప్రణయ్ సెంకండ్ రౌండ్‌కి చేరుకున్నాడు. ఇవ్వాల (మంగళవారం) ప్రారంభమైన ఈ టోర్నీలో తన మొదటి రౌండ్‌లో చైనీస్ తైపీకి చెందిన చౌ టియెన్ చెన్‌పై వరుస గేమ్‌లలో 21-18, 22-20 తేడాతో విజయం సాధించి రెండో రౌండ్‌కు చేరుకున్నాడు.
కాగా, పురుషుల సింగిల్స్ ఈవెంట్‌లో లక్ష్యసేన్, కిదాంబి శ్రీకాంత్, ప్రియాంషు రజావత్‌లు రేపు (బుధవారం) బరిలోకి దిగనున్నారు.
ఇక, ఆసియా క్రీడల్లో స్వర్ణ పతక విజేతలైన మెన్స్ డ‌బుల్స్ టీమ్ సాత్విక్‌సాయిరాజ్‌, చిరాగ్‌లు కూడా సెకండ్ రౌండ్‌లోకి ప్రవేశించారు. ఇంగ్లండ్‌కు చెందిన బెన్‌లేన్‌, సీన్‌ వెండీపై వరుస గేమ్‌లలో 21-13, 21-10 తేడాతో విజయం సాధించారు. రెండో రౌండ్‌లో జపాన్‌కు చెందిన అకిరా కోగా మరియు తైచి సైటోతో తలపడనున్నారు.
మహిళల సింగిల్స్‌లో ఏకైక భారతీయ ఛాలెంజర్ అయిన ఆకర్షి కశ్యప్… చైనాకు చెందిన జాంగ్ యి మాన్ తో జరిగిన మ్యాచ్‌లో 12-21, 14-21తో ఓటమిపాలైంది.