హైదరాబాద్ మెట్రో ప్రయాణికులకు గుడ్ న్యూస్.. నూతన సంవత్సర సందర్భంగా ప్రయాణీకులకు శుభాకాంక్షలు తెలిపింది హైదరాబాద్ మెట్రో. డిసెంబర్ 31 (ఆదివారం) అర్ధరాత్రి 12.15 గంటల వరకు మెట్రో రైలు సర్వీసులు న‌డ‌ప‌నున్న‌ట్టు వెల్ల‌డించింది. చివరి మెట్రో రైలు 12.15 గంటలకు బయలుదేరి ఒంటిగంటకు గమ్యస్థానాలకు చేరుతుందని మెట్రో ఎండీ శ్రీధర్‌ తెలిపారు.
స్టేషన్లలో భద్రతకు సంబంధించి ప్రత్యేక చర్యలు తీసుకుంటున్నట్లు ఆయన తెలిపారు. మెట్రో రైలు, స్టేషన్లలో సిబ్బంది, పోలీసుల నిఘా ఉంటుంది. ప్రయాణికులు బాధ్యతగా వ్యవహరించాలని సూచించారు. మెట్రో స్టేషన్లలోకి మద్యం తాగి వచ్చినా, అసభ్యంగా ప్రవర్తించిన కఠిన చర్యలు తీసుకుంటామని హెచ్చరించారు.