అక్టోబర్ 3 చివరి తేది
వెబ్ సైట్ ద్వారా రిజిస్ట్రేషన్
పిబ్ర‌వ‌రి తొలి వారంలో ఎగ్జామ్స్
న్యూఢిల్లీ – గేట్ 2025 కోసం రిజిస్ట్రేషన్ చివరి తేదీ పొడిగించారు. ఇప్పుడు విద్యార్థులు 3 అక్టోబర్ 2024 వరకు ఆలస్య రుసుము లేకుండా దరఖాస్తు చేసుకోవచ్చు. అంతకుముందు దరఖాస్తు చేయడానికి చివరి తేదీ సెప్టెంబ‌ర్ 26గా ప్ర‌క‌టించారు. అయితే తాజాగా . ఇప్పుడు అది అక్టోబర్ 3 వరకు పొడిగించిన‌ట్లు ఒక ప్ర‌క‌ట‌న విడుదల చేశారు… ఈ పరీక్షకు హాజరు కావాలనుకునే విద్యార్థులకు ఈ అవకాశం ఎంతో మేలు చేకూరనుంది. గేట్ 2025 కోసం దరఖాస్తు చేయడానికి , విద్యార్థులు ముందుగా gate2025.iitr.ac.in అధికారిక వెబ్‌సైట్‌ను సందర్శించాలి . హోమ్ పేజీలో ‘రిజిస్ట్రేషన్’ ట్యాబ్‌పై క్లిక్ చేయండి . దీని తర్వాత, పేరు, ఫోన్ నంబర్, మెయిల్ ఐడిని నమోదు చేయడం ద్వారా రిజిస్ట్రేషన్ చేయవలసి ఉంటుంది. దీని తర్వాత ఫారమ్‌ను పూర్తి చేసిన. అవసరమైన పత్రాలను అప్‌లోడ్ చేయాలి. ఆపై దరఖాస్తు రుసుమును చెల్లించాలి.
గేట్ 2025 కోసం దరఖాస్తు రుసుము షెడ్యూల్డ్ కులం (ఎస్సీ) , షెడ్యూల్డ్ తెగ (ఎస్టీ), వికలాంగ కేటగిరీ విద్యార్థులు రూ. 900 ఫీజు చెల్లించాలి. ఇక మిగితా విద్యార్థులకి, విదేశీ పౌరులకు రిజిస్ట్రేషన్ ఫీజు 1800 రూపాయలు. గేట్ 2025 పరీక్షకు సంబంధించిన అడ్మిట్ కార్డ్ 2 జనవరి 2025న విడుదల చేయ‌నున్నారు. విద్యార్థులు తమ రిజిస్ట్రేషన్ నంబర్, పుట్టిన తేదీని ఉపయోగించి ఈ కార్డును డౌన్‌లోడ్ చేసుకోవచ్చు. పరీక్ష 2025 ఫిబ్రవరి 1, 2, 15, 16 తేదీల్లో నిర్వహించబడుతుంది. ఉదయం 9:30 నుంచి మధ్యాహ్నం 12:30 వరకు మొదటి షిప్టు, మధ్యాహ్నం 2:30 నుంచి సాయంత్రం 5:30 గంటల వరకు రెండు షిఫ్టుల్లో పరీక్ష జరుగుతుంది. ఆపై గేట్ 2025 పరీక్ష ఫలితాలు 19 మార్చి 2025న ప్రకటించ‌నున్నారు..